THOMAS ALVA EDISON

Ni khat chu Thomas Alva Edison-a zirna sikula an zirtirtu pakhat chuan Edison-a hnenah, " He lekha hi hawn la, i nu chauh chhiartir ang che," tiin lehkhathawn a pe a. A nu chuan lehkhathawn a chhiar rualin a țap ta zawih zawih a. Mahse, a insum leh ta thuai a, lehkha thawna thu inziak chu a nu chuan a chhiar chhuak ta a , " I fapa hi mi fing danglam bik a ni.Kan sikulah ani zirtir thei tur khawpa fing kan awm lo va, zirtir thiam bik rawihna pawh kan nei lo va, khawngaih takin nangman lo zirtir mai tache," tih thu a nih hi tiin Edisob-a chu a hrilh ta a.
         Chutichuan, a nu chuan Edison-a chu in lamah taima takin lehkha chu a zirtir ta a. Kum tam a liam a, a nu a thih hnuin Edison-a chu thil hmuchhuaktu ( Mei êng hmuchhuaktu) lar tak a lo ni ta a ni.
        Nikhat chu an chhungkaw thil hlui a hai velnaah lehkhathawn a hai chhuak hlawl mai a, chu lehkha chu sikul naupang tihmawh tak a nih laia an zirtirtuin a nu hnena lehkha a thawn, amah Edition-a ngei a hawntir kha a ni a, a chhiar ta a, " I fapa hi rilru kim lo a ni. Sikulah a lo kal kan remti tawh lo," tih thu a ni a. Edison-a chuan, " Ka nu khan, a ngial a nganin a chhiar lo a ni maw, thu a lo thup a ni maw ," a ti ta kauh kauh mai a, chu thu a chhiar rual chuan a mittui a tla a,chutichuan, a diary a keu a, ziakfung hmangin he thu hi a ziak ta a ni, " Thomas Alva Edison, rilru kim lo, a nu vang chauha Century khat chhunga mifing ka lo ni," tih thu chu a ziak ta a ni.