A ( By - Ngura Sailo zofa)
a khaw nâwtin:
khawtlângin; khua-a mi zâwng zâwng; mi tu pawh.
a lei kuai záwng:
a huatthlala záwnga thu sawi; a pawi tur záwnga thu sawi.
a leiko zâwng:
a huatthlala záwnga thu thlen; huat theih tur zawnga thu thlen.
a letlinga khai ang:
bo map; a awmzia hre lo.
a meichher chhi:
kaihruaitu; kawng kawhhmuhtu:; a hnârkaitu ber:; timawitu.
a mik a mak:
a awmzia hre lo a kalhmang hre lo; a enga mah hre lo.
a neitu mu hek suh, khumfa mu hek suh:
tumah mu thei lovin; mu thei lo.
a nu chhu dâm:
la naupang; piang tir; pianna la rei lo.
a pui thihsan ang:
chavai; baihvai; fahrah; lungngai khawhar; belh tur nei lo; thlaphâng.
ârpui a lungchia, sanghara lunglâwm/ ara lungchhia, nghara lunglâwm:
țhenkhat tâna lawmna/ hlimna a nih laia țhenkhat tâna lungngaih/țahna.
ár awp chawi ang:
zâng; rin aia zâng; rihna nei lo.
ârbawm chhe kâng ang/ arbawm chhe kan:
thâwk khata vung hluaha chuai/rem leh thuai; thil ti ve hluta bansan leh daih.
âr chuk tui lo:
tenawm; hming țhatna nei lo; hmingchhia; lak tlak loh.
âr nghal chu ar nghalin a thlâk:
a anpuiin a thlak; a thlâktu leh a thlâka dang chuang lo.
âr nghal vên:
vên reng ngai; thlahthlam loha vên reng ngai; vên ngun ngai.
âr hâ a țîm ang:
âwihawm loh lutuk; âwih lo lutuk.
âr hmai tiat:
hmun-hmâ zîm tê; hmun zîm tê.
°°°°°°°°°°°°°°°°°°°°°°°°°°°°°°°°°°°°°°°°°°°°°°°
Comments
Post a Comment