Zofate hi hlawh tlin duh ve tak, chumi tura pawimawh ber tum ruhna tlachham leh lawi si hi kan ni hlawm fur a, thiam thil chi hrang hrang ngah tak, Mahse, "thiam tak tak nei lo, thiam loh tak tak nei lo, " an tih ang deuh chauh hi kan ni hlawm, mi lung leng hnam kan nih avangin zai thiam kan tamin music instrument pawh mi nawlpuiin kan tum thiam zut mai bawka, Mahse hlawhtlinpui ta chu mi tlem te chauh an ni.
Hei vang hian eng thilah mah kan insawr bing bik thei lova, mi thiam ang thiam ve vek kan tum luatah hlawhtlinna tak tak kan hai thleng hman thin lo a nih hi.
Kan rilru a hmanhmawh a, hlawhtlin duh viau si a hna hlawk apiang uma kan phar kawi zut leh lawi si hlawh chhamna bul a nih bakah beidawnna atana hmanraw tangkai ber a ni.
Tlawmngaihna kan ngah tluk hian tum ruhna hi ngah ila hlawhtlinna chuan a umin min um tawh ngei ang le!!
Hlawhtling tur chuan taimak leh tum ruhna hi a pawimawh ber ti ila kan sawi sual tam awm lo ve.
Comments
Post a Comment