Mizo \awng ziah dan tur chin fel nân hian grammar hi
teh fung pawimawh ber a ni a. |awng dangte ang bawkin
Mizo \awng hi a ziah dan turah grammar a\angin kàl phung fel
tak a awm a, chumi hmang chuan ‘Mizo |awng Ziah Dan
Dik’ hi rawn chhawp chhuah a ni a; chûng grammar a\anga
Mizo \awng ziah dan tur kàl phung dik, Mizo Grammar Soci-
ety-in innghah nâna a hmante chu a pawimawh zual han târ
lâng hmasa ila.
1. Noun leh noun lam kawp
Ziah zawm loh tur chite:
Noun thu mal ve ve kan lam kawpnaah, noun thu mal
hmasak zâwk chu a kawppui noun thu mal pakhat zâwk sawi
fiahtu a nih chuan, a kawppui noun thu mal sawi fiahtu zâwk
chu ‘nounal adjective’ (noun adjunct) tih a ni a. Chutianga
noun thu mal ve ve inkawpah, pakhat zâwk nounal adjective a
nih chuan, chûng noun thu mal inkawp chu noun leh nounal
adjective \ang dun ‘noun phrase’ an nih avangin ziah zawm
loh tur a ni. Entirna:
ar tui âwm phaw
chaw thlèng êk in
lal lukhum hmai kâwr ...adt.
Ziah zawm tur chite:
Noun thu mal ve ve inkawpah, noun thu mal pakhat zâwk
chu a kawppui noun thu mal sawi fiahtu (nounal adjective) a nih loh chuan, chûng noun thu mal inkawpte chu ziah zawma thu mal
an nih a ngâi \hin a. Entirna:
kekawr belthlèng
kutke tarmit
nufa/pafa tisa...adt.
2. Noun leh adjective lam kawp
Ziah zawm loh tur chite:
Grammar danah noun leh adjective \ang dun chu ‘noun
phrase’ a nih \hin avangin ziah zawm loh tur a ni. Entirna:
chanchin thar ruh rô
kawr lum ro hlû
thu buai \âng nêm...adt.
Ziah zawm tur chite:
Noun leh adjective inkawp; amaherawhchu, kan sentence-
a a inkawpa verb atâna kan hman \hin; nimahsela, verb (nounal
verb) leh adverb (adjectival adverb) emaw, verb phrase emaw,
phrasal verb emaw ni thei lo, thu mal atâna hman ngâi a awm a.
Chûng chu ziah zawma thu mal a nihin a dik thung. Entirna:
hmelchhia hmel\ha
thinchhia rimtui/rimchhia
mangchhia mang\ha...adt.
3. Noun leh Participle lam kawp
Ziah zawm loh tur chite:
Noun thu mal leh verb thu mal kan lam kawpnaah, verb
thu mal chu a kawppui noun awm dan leh nih dan sawi fiahtu a nih chuan ‘participle’ a ni \hin a, chutianga noun leh participle \ang
dun chu ‘noun phrase’ a nih avangin ziah zawm lohin a dik \hin.
Entirna:
âr khuang kâwl phe
lir nghing mar phû
tlâng kàng \êk tla...adt.
Participle hi noun thu mal hmakhalha lam hmasak \hin
kan nei bawk a, chûng pawh chu ‘noun phrase’ an nih avangin
ziah zawm loh a dik leh bawk. Entirna:
awm hmun mut kawr
rin thu thlen in
vawn fung zin kawng...adt.
Ziah zawm tur chite:
Noun thu mal leh verb thu mal inkawp; amaherawhchu,
noun leh participle ni ve tawh lo a awm a, chûng chu thu mal an
nih a ngâi thung a. Entirna:
bengbeh nghawngawrh
kutziak lukham
tukchhuak zungbun...adt.
4. Noun leh postposition
Ziah zawm loh tur chite: Noun thu mal emaw, gerund
emaw hi postposition nen emaw, postpositional noun nen emawa
kan lam kawp chuan ‘noun phrase’ a ni \hin a, ziah zawm lohin a dik ṭhin. Entirna:
Pathian zâr kawng chhak
in hnuai ram tân
nun phung Zuala âi...adt.
Ziah zawm tur chite: Postposition leh thu mal dang lam
kawp; amaherawhchu, noun phrase ni ve si lo, awmze dang nei
thu mal atâna ziah zawm ngâi a awm a. Entirna:
ramhnuai kawrchung
kawrhnuai rapchung/tapchhak
hmunhma kawchhûng...adt.
5. Noun leh gender adjective
Ziah zawm loh tur chite:
Noun thu mal leh gender adjective kan lam kawp ṭhin hi
‘noun phrase’ a ni ṭhin a, ziah zawm lohin a dik. Entirna:
bâwng pà bâwng nù
âr lâ sakhi tûai
nghal chang se chal...adt.
Ziah zawm tur chite:
Gender adjective atâna kan hman ṭhin; amaherawhchu, a
kawppui thu mal kha noun mal din a nih ve loh avang emaw, noun
leh adjective anga phusa an nih loh vang emawa thu mal atâna
ziah zawm ngâi a awm a. Chu lo lehah chuan gender suffix ‘pui’ hi
a kawppui thu malah behtir ṭhin a ni bawk a. Entirna:
bialpa bialnu
monu mopa
bawngpui kèlpui...adt.
Comments
Post a Comment